రోడ్డుపై పాలుపోసి పాడి రైతుల నిరసన

మహబూబ్ నగర్ జిల్లా జడ్చర్ల నియోజకవర్గం రాజాపూర్ మండల కేంద్రంలో శుక్రవారం పాడి రైతులు పాల బిల్లులు రావడం లేదని ఆందోళన చేపట్టారు. రోడ్డుపై పాలు పోసి నిరసన వ్యక్తం చేశారు. ఈ సందర్భంగా రైతులు మాట్లాడుతూ.. గత రెండు నెలలుగా పాల బిల్లులు చెల్లించకపోవడంతో పశుపోషణ ఇబ్బందికరంగా మారిందన్నారు. ఉన్నతాధికారులు స్పందించి పెండింగ్ బిల్లులు రైతుల ఖాతాలో జమ చేయాలని రైతులు కోరారు.