నెన్నెల: గొల్లపల్లిలో ఘనంగా జెండా పండుగ

నెన్నెల మండలం గొల్లపల్లి గ్రామంలో గ్రామదేవుని జెండా పండుగను శనివారం గ్రామస్థులు ఘనంగా నిర్వహించారు. ప్రతి దసరా పండగకు ఈ వేడుకలను భక్తి శ్రద్దలతో జరుపుకోవడం ఆనవాయితీ అని మాజీ సర్పంచ్ ఇందురీ శశికళ తెలిపారు. ప్రజలంతా ఐక్యతతో మొక్కులు చెల్లించుకొని గ్రామంలో ఊరేగింపు నిర్వహిస్తామన్నారు. పసిడి పంటలు సమృద్ధిగా పండాలని, ప్రజలంతా సుఖ సంతోషాలతో ఆరోగ్యంగా ఉండాలని కోరుకుంటామని తెలిపారు.