శేరిలింగంపల్లి: అంబులెన్సులు ప్రారంభించిన సీఎం రేవంత్ రెడ్డి

ప్రజా పాలన - ప్రజా విజయోత్సవాల్లో భాగంగా సోమవారం నిర్వహించిన ఆరోగ్య ఉత్సవాలకు సీఎం రేవంత్ రెడ్డి శ్రీకారం చుట్టారు. ఎన్టీఆర్ మార్గ్ లోని హెచ్ఎండీఏ గ్రౌండ్స్ లో 108, 102 వాహనాలకు పచ్చజెండా ఊపి ప్రారంభించారు. 108 సర్వీసుల కోసం 136 అంబులెన్సులు, 102 సర్వీసుల కోసం 77 అంబులెన్సులకు జెండా ఊపారు. ఈ కార్యక్రమంలో వైద్య ఆరోగ్యశాఖ మంత్రి దామోదర రాజనర్సింహ తదితరులు పాల్గొన్నారు.