ఉద్యోగులు లేకపోయినా వేలల్లో జీతం

ఏపీ ఉన్నత విద్యామండలిలో పని చేయకపోయినా నేరెళ్ల పీఎస్‌వీఎన్‌ మూర్తి అనే ఉద్యోగి పేరుతో గత రెండేళ్లుగా జీతాలు చెల్లిస్తున్నారు. రాష్ట్ర పరిశోధన మండలిలో ఈయన కన్సల్టెంట్‌ కింద పని చేస్తున్నట్లు చూపి నెలకు రూ.50 వేలు జీతంగా చెల్లిస్తున్నారు. ఈ ఏడాది మార్చితో ఒప్పంద గడువు ముగియడంతో 2025 ఫిబ్రవరి వరకు పొడిగించారు. పని చేయని ఉద్యోగి సర్వీసును సైతం కాగితాల్లో పొడిగించేయడం గమనార్హం.