గీతా కార్మికుడి పై తేనెటీగల దాడి

గీతా కార్మికుడు, మాజీ ఎంపీటీసీల ఫోరం మండల అధ్యక్షుడి పై తేనెటీగలు దాడి చేసిన ఘటన గురువారం అక్బర్‌పేట భూంపల్లి మండలంలో చోటుచేసుకుంది. సిద్దిపేట జిల్లా అక్బర్‌పేట భూంపల్లి మండలం వీరారెడ్డిపల్లి గ్రామానికి చెందిన బాల మల్లేశం గౌడ్ వృత్తిరీత్యా గీతా కార్మికుడిగా పనిచేస్తున్నాడు. రోజు మాదిరిగానే ఈత చెట్ల వద్దకు వెళుతున్న క్రమంలో ఉదయం ఒక్కసారిగా తేనెటీగలు దాడి చేశాయి. వెంటనే అప్రమత్తమై అక్కడి నుండి బాల మల్లేశం గౌడ్ పరుగులు తీసినప్పటికీ తేనెటీగలు విపరీతంగా దాడి చేయడంతో స్థానికులు వెంటనే సిద్ధిపేట ఆసుపత్రికి తరలించారు.