ఎండాకాలం.. వాహనాలు జర భద్రం

ఎండాకాలంలో వాహనాల పట్ల జాగ్రత్తలు తీసుకోవాలి. వేసవిలో వాహనాలలో పొగలు రావడం, కార్లలో మంటలు ఎగిసి పడటం జరుగుతుంది. ద్విచక్ర వాహనాల టైర్లు పేలిపోవడం వంటివి చూస్తుంటాం. అయితే వేసవి కాలంలో ద్విచక్ర వాహనాల్లో 1, 2 లీటర్ల కంటే ఎక్కువ పెట్రోల్ ఉంచొద్దు. ట్యాంకు నిండుగా ఇంధనం ఉంటే ఉష్ణోగ్రతతో పీడనం పెరిగి ట్యాంకు పేలిపోయే ప్రమాదం ఉంటుంది. కారు ఇంజిన్ లో కూలింగ్ విధానం ఉంటుంది. కానీ రేడియేటర్లో నీరు తగ్గకుండా చూసుకోవాలి.