చిట్యాల: అదుపుతప్పిన ప్రైవేటు ట్రావెల్ బస్సు

చిట్యాల మండలం పెద్దకాపర్తి వద్ద సోమవారం రోడ్డు ప్రమాదం జరిగింది. హైదరాబాద్ నుండి విజయవాడకు వెళ్తున్న ప్రైవేటు ట్రావెల్ బస్సు అదుపు తప్పి డివైడర్ ను ఢీ కొట్టి చెట్ల పొదల్లోకి దూసుకెళ్లింది. ఈ ప్రమాదంలో డ్రైవర్ కు తీవ్రగాయాలు కాగా, ప్రయాణికులకు స్వల్ప గాయాలు అయ్యాయి. ప్రమాదం జరిగిన సమయంలో బస్సులో 42 మంది ప్రయాణిస్తున్నట్లు సమాచారం. ఈ ఘటనలో బస్సు స్వల్ప ప్రమాదం నుండి బయటపడడంతో ప్రయాణికులు ఊపిరి పీల్చుకున్నారు.