సీతారామచంద్రస్వామి ఆలయ కమిటీ చైర్మన్ గా శ్రీనివాస్

ములుగు జిల్లా ఏటూరునాగారంలోని సీతారామచంద్రస్వామి ఆలయ కమిటీ ఛైర్మన్ గా అలువాల శ్రీనివాస్ ను మంగళవారం ఏకగ్రీవంగా ఎన్నుకున్నారు. శ్రీనివాస్ మాట్లాడుతూ ఆలయ అభివృద్ధి కోసం అహర్నిశలు కృషి చేస్తానన్నారు. ఆలయ ప్రాంగణంలోని ప్రహారి, యాగశాల, ఫంక్షన్ హాల్ నిర్మాణ పనులు చేపట్టడం జరుగుతుందన్నారు. ఉపాధ్యక్షులుగా కిరణ్, రాంబాబు, కత్తెర శ్రీనివాస్, వినయ్, దీనబంధవస్వామి, సంతోష్, ప్రసాద్, సిసింద్రీ తదితరులను ఎన్నుకున్నారు.