టాలెంట్ టెస్ట్ ను జయప్రదం చేయండి

భారత విద్యార్థి ఫెడరేషన్ (ఎస్ఎఫ్ఎస్ఐ) ఆధ్వర్యంలో నెక్కొండ మండల కేంద్రంలో ఈనెల 10వ తేదీన జరిగే టాలెంట్ టెస్ట్ ను జయప్రదం చేయాలని జిల్లా పరిషత్ సెకండరీ పాఠశాలలో కరపత్రాలను విడుదల చేశారు. ఈ సందర్భంగా జిల్లా ప్రధాన కార్యదర్శి యర ప్రశాంత్ మాట్లాడుతూ విద్యార్థుల సమస్యలపై పోరాటం చేయడమే కాకుండా విద్యార్థులను చదువులో ముందుంచడం కోసం వరంగల్ జిల్లా వ్యాప్తంగా టాలెంట్ టెస్ట్ నిర్వహించడం జరుగుతుందన్నారు. ఈ టాలెంట్ టెస్ట్ను జయప్రదం చేయాలని ఆయన పిలుపునిచ్చారు. పదవ తరగతి విద్యార్థులు వార్షిక పరీక్షలు ఉండడంలో భారత విద్యార్థి ఫెడరేషన్ ఈనెల 10వ తేదీన టాలెంట్ టెస్ట్ నిర్వహిస్తున్నట్లు తెలిపారు. ఇది విద్యార్థుల భయాన్ని పోగొట్టడానికి, సబ్జెక్టులో నైపుణ్యతను తెలుసుకోవడం కోసం ఈ టాలెంట్ టెస్ట్ ఉపయోగపడుతుందని అన్నారు. కార్యక్రమంలో ఎస్ఎఫ్ఐ మండల కార్యదర్శి బానోతు వినోద్ కుమార్, జిల్లా సహాయ కార్యదర్శి యార రాకేష్, ఎస్ఎఫ్ఎస్ఐ నాయకులు శ్రీధర్ మరియు తదితరులు పాల్గొన్నారు.