విండ్‌ఫాల్‌ ట్యాక్స్‌ను రద్దు చేసిన కేంద్రం

కేంద్ర ప్రభుత్వం కీలక నిర్ణయం తీసుకుంది. దేశీయంగా ఉత్పత్తి చేస్తున్న ముడి చమురుపై విధిస్తున్న విండ్‌ఫాల్‌ ట్యాక్స్‌ను రద్దు చేసింది. అంతర్జాతీయంగా చమురు ధరలు తగ్గుముఖం పట్టిన నేపథ్యంలో ఈ నిర్ణయం తీసుకున్నట్లు తెలుస్తోంది. కేంద్రం తాజా నిర్ణయంతో రిలయన్స్‌, ఓఎన్‌జీసీలకు భారీ ఊరట లభించినట్లయింది. కాగా, పెట్రోల్, డీజిల్, విమాన ఇంధనం (ఏటీఎఫ్‌), క్రూడ్‌ ఉత్పత్తుల ఎగుమతులపై 2022 జులై 1 నుంచి కేంద్రం విండ్‌ఫాల్‌ ట్యాక్స్‌ విధిస్తోంది.