అల్లూరి: వైస్ ప్రిన్సిపాల్ కొట్టడంతో విద్యార్థి మృతి
అరకులోయలో విషాదం నెలకొంది. గిరిజన సంక్షేమ గురుకుల ఆశ్రమంలో పదో తరగతి చదువుతున్న విజయ కుమార్ (15) అనారోగ్యంతో కేజీహెచ్లో చేరి శుక్రవారం చనిపోయాడు. ఈ నెల 22న ఆస్పత్రిలో చేరిన విజయ, చికిత్స పొందుతుండగా మృతిచెందాడు. ముంచంగిపుట్టు మండలంలోని పొల్లిపుట్టు గ్రామానికి చెందిన విజయ తల్లిదండ్రులు, పాఠశాల వైస్ ప్రిన్సిపాల్ కొట్టడం వల్ల ఆయన అనారోగ్యానికి గురయ్యాడని ఆరోపిస్తున్నారు. ఈ ఘటన స్థానికంగా తీవ్ర ఆందోళనను కలిగిస్తోంది.
