పిడుగురాళ్ల: తాసిల్దార్ కార్యాలయం వద్ద ధర్నా
పిడుగురాళ్ల తహసిల్దార్ కార్యాలయం వద్ద గురువారం సిపిఎం ఆధ్వర్యంలో ప్రజాపోరాట యాత్ర ముగింపు సందర్భంగా ధర్నా నిర్వహించారు. సిపిఎం పిడుగురాళ్ల మండల కన్వీనర్ తెలకపల్లి శ్రీనివాసరావు మాట్లాడుతూ, ఎన్నికలకు ముందు ప్రభుత్వం నిత్యావసర ధరలు తగ్గిస్తామని, విద్యుత్ చార్జీలు పెంచబోమని హామీ ఇచ్చి నేడు ప్రజలకు భారంగా మోపిందని విమర్శించారు. ఉచిత సిలిండర్ల హామీ కూడా నెరవేర్చలేదన్నారు. ఈ కార్యక్రమంలో సిపిఎం నేతలు పాల్గొన్నారు.
