ఉంగుటూరులో పొలాల రీ సర్వే.. గ్రామసభలు
ఉంగుటూరు మండలంలో పొలాల రీ-సర్వే గ్రామ సభలు నిర్వహించేందుకు షెడ్యూల్ రూపొందించామని తహసిల్దార్ పూర్ణచంద్ర ప్రసాద్ రావు బుధవారం పేర్కొన్నారు. భూ-విస్తీర్ణం తేడాలు, వారసత్వం పేర్ల నమోదు, ఇతర సమస్యలపై దరఖాస్తులు స్వీకరిస్తామన్నారు. రీ- సర్వే జరిగిన గ్రామాల్లో రైతులకు ఇచ్చిన రికార్డుల్లో మార్పుల కొరకు 18 తేదీ నుండి 25 వరకూ గ్రామ సభలు నిర్వహిస్తామన్నారు. 18న వెల్లమెల్లి ,19 బొమ్మిడి, 22 కాగుపాడు ,23 రావులపర్రు ,24 రాచూరు, 25 దొంతవరం గ్రామాల్లో సభలు నిర్వహించి రైతుల నుంచి దరఖాస్తులు స్వీకరిస్తామన్నారు. రైతులు సద్వినియోగం చేసుకోవాలని విజ్ఞప్తి చేశారు.
