ఠాణేలంక: పెన్షన్ తొలగించారని బాధితుని ఆవేదన

ముమ్మిడివరం మండలం ఠాణేలంక బాడవ గ్రామానికి చెందిన దొమ్మేటి వెంకటేశ్వరరావు తన పెన్షన్ తొలగించడంతో శుక్రవారం ఆవేదన వ్యక్తం చేశారు. సుమారు 25 సంవత్సరాల నుంచి వికలాంగుల పెన్షన్ తీసుకుంటున్నానని పేర్కొన్నారు. వైసీపీ ప్రభుత్వంలో రూ. 6 వేలు పెన్షన్ తీసుకున్నానని, కూటమి ప్రభుత్వంలో రెండు నెలలు రూ. 15 వేలు పెన్షన్ అందజేశారని తెలిపారు. గత రెండు నెలల నుంచి పెన్షన్ తొలగించారని లబ్ధిదారుడు ఆవేదన వ్యక్తం చేశారు.