రొయ్యల సాగును నిలిపేయాలని వినతి

మామిడికుదురు మండలం గోగన్నమఠంలో అనధికార రొయ్యల చెరువుల సాగు వల్ల వ్యవసాయ భూములు పాడైపోతున్నాయని మగటపల్లికి చెందిన శ్రీరామ నరసింహారావు అన్నారు. రాజోలు ఫిషరీస్ ఏడీ సిద్ధార్థ వర్ధన్ను సోమవారం కలిసి ఫిర్యాదుచేశారు. రొయ్యల చెరువులు విస్తరించడం వల్ల సమీపంలో ఉన్న కొబ్బరి తోటలు ఎందుకూ పనికిరాకుండా పోతున్నాయన్నారు. రొయ్యల చెరువుల సాగును నిలుపుదలచేసి పంట పొలాలను కాపాడాలని వినతి పత్రంలో కోరారు.