అవనిగడ్డ : వెంకయ్య పేరు పెట్టడం ఎంతో ఆనందదాయకం

మచిలీపట్నం మెడికల్ కళాశాలకు భారత జాతీయ పతాక రూపకర్త పింగళి వెంకయ్య పేరు పెట్టడం ఎంతో ఆనందదాయకమైన విషయమని, యావత్తు తెలుగుజాతి గర్వించదగ్గ విషయమని అవనిగడ్డ ఎమ్మెల్యే మండలి బుద్ధప్రసాద్ అన్నారు. మంగళవారం అవనిగడ్డలో మాట్లాడుతూ, ఆనాడు స్వాతంత్రం కోసం ఎంతో మంది పోరాటాలు చేశారని, నేటి తరానికి వారి పేర్లు కూడా ఎవరికీ తెలియదని బుద్ధప్రసాద్ అన్నారు. మహానుభావులను పేర్లు పెట్టడం అభినందనీయమన్నారు.