కేంద్ర మంత్రిని కలిసిన నంద్యాల ఎంపీ శబరి

కేంద్ర మంత్రి నితిన్ గడ్కరీతో ఢిల్లీలోని క్యాంపు కార్యాలయంలో నంద్యాల ఎంపీ డాక్టర్ బైరెడ్డి శబరి శుక్రవారం సమావేశం అయ్యారు. నంద్యాల జిల్లాలో నిర్మాణంలో ఉన్న కర్నూలు-దోర్నాల 340-c జాతీయ రహదారి, నిర్మాణం చేపట్టాల్సిన కల్వకుర్తి-నంద్యాల, నంద్యాల-జమ్మలమడుగు 167k జాతీయ రహదారుల వెంట భూసేకరణ, రైతుల భూముల నష్టపరిహారం, రైతుల అభ్యంతరాలు, జాతీయ రహదారుల కింద అండర్ పాస్ రోడ్లు, రోడ్డు అలైన్మెంట్ మార్పులు, తదితర సమస్యలు పరిష్కరించాలని కోరారు.