బుచ్చి: ప్రమాదవశాత్తు కాలువలో పడ్డ బాలుడు

బుచ్చిరెడ్డి పాలెం పట్టణంలోని ఖాజా నగర్ లో ఉన్న గుడిపల్లి కాలువ ప్రమాదకరంగా మారింది. గుడిపల్లి కాలువపై స్లాబ్ లేకపోవడంతో పది సంవత్సరాల బాలుడు తౌసిఫ్ ప్రమాదవశాత్తు అందులో శనివారం పడిపోయాడు. పక్కనే ఉన్న స్థానికులు గమనించి బాలుడిని బయటకు తీశారు. దీంతో బాలుడికి ప్రాణాపాయం తప్పడంతో స్థానికులు ఊపిరి పీల్చుకున్నారు. ఎమ్మెల్యే వేమిరెడ్డి ప్రశాంతి రెడ్డి స్పందించి కాలువ పై స్లాబ్ వేయించాలని స్థానికులు కోరుతున్నారు.