హిందూ ధర్మంపై మాట్లాడే హక్కు పవన్‌కు లేదు: జగన్

AP: డిప్యూటీ సీఎం పవన్ కల్యాణ్‌‌‌‌పై వైసీపీ అధినేత సంచలన వ్యాఖ్యలు చేశారు. పవన్ కల్యాణ్‌‌‌‌కు.. హిందూ ధర్మం, ఆలయాల పరిరక్షణపై మాట్లాడే హక్కు లేదని జగన్ విమర్శించారు. కాశీనాయన క్షేత్రాన్ని కూల్చేస్తుంటే పవన్ ఒక్క మాట కూడా మాట్లాడలేదని ఎక్స్ వేదికగా మండిపడ్డారు. 'ఆలయాల పట్ల మాకు ఉన్న చిత్తశుద్ధి కూటమి సర్కార్ కు లేదు. అధికారంలోకి వచ్చిన వెంటనే కాశీనాయన క్షేత్రాన్ని కూలుస్తోంది. ఆ ఆలయ అభివృద్ధికి వైసీపీ సర్కార్ ఎంతో కృషి చేసింది' అని ఆయన తెలిపారు.