31మందికి షోకాజ్ నోటీసులు జారీ

సాధారణ ఎన్నికల శిక్షణలో భాగంగా ప్రిసైడింగ్ అధికారులు, అదనపు ప్రిసైడింగ్ అధికారులకు ఈనెల 2వ తేదీన 3వ దశ శిక్షణ తరగతులు నిర్వహించారు. ఈ శిక్షణకు గైర్హాజరైన 31 మందికి జిల్లా ఎన్నికల అధికారి, కలెక్టర్ దినేష్ కుమార్ శుక్రవారం షోకాజ్ నోటీసులు జారీ చేశారు. నోటీసులు అందుకున్న వారు సంజాయిశి ఇవ్వకపోతే క్రమశిక్షణ చర్యలు తీసుకోవడంతో పాటు, క్రిమినల్ కేసులు నమోదు చేస్తామని కలెక్టర్ హెచ్చరించారు.