శ్రీ పోలిపల్లి పైడితల్లి అమ్మవారికి విశేష పూజలు

రాజాం పట్టణంలో కొలువై ఉన్న శ్రీ పోలిపల్లి పైడితల్లి అమ్మవారి ఆలయంలో అమ్మవారికి శుక్రవారం విశేష పూజలు జరిగాయి. శుక్రవారం వైశాఖ మాసం దశమి కావటంతో అమ్మవారిని దర్శించుకోవడానికి అత్యధికంగా మహిళా భక్తులు విచ్చేశారు. లలిత సహస్రనామ పారాయణ మరియు అష్టోత్తర శతనామ పారాయణతో ఆలయ అర్చకులు అమ్మవారికి కుంకుమ పూజలు నిర్వహించారు. భక్తుల గోత్రనామాలతో పూజలు చేసిన అర్చకులు తీర్థ ప్రసాదాలను అందజేసి ఆశీర్వదించారు.