మేకపోతుల చోరీపై ఫిర్యాదు

మేకపోతులు ఎత్తుకెళ్లిన ఘటన జంగారెడ్డిగూడెం పట్టణంలో ఆలస్యంగా వెలుగు చూసింది. పోలీసుల కథనం ప్రకారం. ఇందిరానగర్ కాలనీకి చెందిన పీరుకు మాంసం విక్రయ దుకాణం ఉంది. ఇతర ప్రాంతాల నుంచి మేకపోతులు కొనుగోలు చేసి, ఇంటి వద్దనున్న షెడ్డులో ఉంచుతాడు. ఈ నెల 3న అర్ధరాత్రి దాటాక నలుగురు దుండగులు ద్విచక్ర వాహనాల్లో వచ్చి రూ. 1.20 లక్షలు విలువ చేసే ఆరు మేకపోతులు ఎత్తుకెళ్లిన దృశ్యాలు సీసీ కెమెరాలో రికార్డ్ అయ్యాయి.