పంగిడిగూడెంలో దొండ పందిళ్ళు రైతులు ఆందోళన

దొండ రైతులకు దొండ పందిళ్ళ సబ్సిడీ బకాయిలు వెంటనే చెల్లించాలని రైతు సంఘం ఏలూరు జిల్లా కార్యదర్శి కె. శ్రీనివాస్ డిమాండ్ చేశారు. మంగళవారం ద్వారకాతిరుమల మండలం పంగిడిగూడెంలో రైతు సంఘం ఆధ్వర్యంలో దొండ పందిళ్ల సబ్సిడీ బకాయిల కోసం దొండ రైతులు ఆందోళన వ్యక్తం చేశారు. రైతు సంఘం నాయకులు దొండ పందిళ్ళను పరిశీలించారు. దొండ పందిళ్లు వేస్తే సబ్సిడీ సొమ్ములు చెల్లించకపోవడంతో అప్పులకు వడ్డీలు కట్టలేకపోతున్నారన్నారు.