పలు పాఠశాలలకు బాంబు బెదిరింపులు

గుజరాత్‌లోని అహ్మదాబాద్‌ నగరంలో సోమవారం పలు స్కూళ్లకు బాంబు బెదిరింపులు వచ్చాయి. దీంతో అప్రమత్తమైన పోలీసు యాత్రాంగం, బాంబ్‌ స్క్వాడ్స్‌ ఆయా పాఠశాలల్లో తనిఖీలు చేపట్టాయి. అయితే ఎటువంటి బాంబులు లభ్యం కాలేదని పోలీసులు తెలిపారు. ఈ ఘటనపై పోలీసు కమిషనర్‌ జీఎస్‌ మాలిక్‌ మాట్లాడుతూ.. రష్యన్‌ సర్వర్‌ నుంచి బాంబు బెదిరింపు ఈ-మెయిల్‌ వచ్చిందని తెలిపారు. వాటిపై దర్యాప్తు చేస్తున్నామని వెల్లడించారు.