కుప్పలు కుప్పలుగా నోట్ల కట్టలు (వీడియో)

బిహార్‌లోని బెతియా జిల్లా విద్యాశాఖ అధికారి ఇంట్లో కుప్పలు కుప్పలుగా నోట్ల కట్టలు దర్శనమిచ్చాయి. విజిలెన్స్ అధికారులు తెలిపిన వివరాల ప్రకారం రజనీకాంత్ ప్రవీణ్ అనే విద్యాశాఖ అధికారి ఇంట్లో నమ్మదగిన సమాచారం మేరకు సోదాలు నిర్వహించారు. ఈ క్రమంలో అధికారి ఇంట్లో ఉన్న నోట్ల కట్టలు చూసి అధికారులు సైతం షాకయ్యారు. ఇప్పటి వరకు లెక్కించిన దాని ప్రకారం రూ.500, రూ.200 నోట్లే రూ.2 కోట్ల వరకు ఉండొచ్చని సమాచారం. దీనిపై కేసు నమోదు చేసుకొని పోలీసులు దర్యాప్తు చేస్తున్నారు.