ఉచితాలు ఇంకెంత కాలం ఇస్తారు?.. కేంద్రాన్ని ప్రశ్నించిన సుప్రీం కోర్టు

కరోనా సమయంలో వలస కార్మికుల సమస్యలపై నమోదైన సుమోటో కేసు విచారణ సందర్భంగా సుప్రీం కోర్టు కీలక వ్యాఖ్యలు చేసింది. జాతీయ ఆహార భద్రత చట్టం కింద దేశవ్యాప్తంగా 81 కోట్ల మందికిపైగా ఉచిత, సబ్సిడీ రేషన్‌ను పొందుతున్నారని కేంద్రం తెలిపింది. ఈ సమాధానం విని ఆశ్చర్యపోయిన సుప్రీంకోర్టు ధర్మాసనం ‘ఉచితాలు ఇంకెంత కాలం ఇస్తారు’ అని కేంద్ర ప్రభుత్వాన్ని ప్రశ్నించింది. ఉద్యోగ, ఉపాధి అవకాశాలు కల్పించడంపై ఫోకస్ చేస్తే బాగుంటుందని సూచించింది.