ఘనంగా దేవి శరన్నవరాత్రి ఉత్సవాలు ప్రారంభం

పాల్వంచ మండల పరిధిలోని కేశవాపురం-జగన్నాధపురం గ్రామాల మధ్య కొలువైన శ్రీపెద్దమ్మతల్లి ఆలయంలో గురువారం శ్రీదేవి శరన్నవరాత్రి మహోత్సవాలు వైభవంగా ప్రారంభించారు. ముందుగా కొత్తగూడెం శాసనసభ సభ్యులు కూనంనేని సాంబశివరావు ముఖ్యఅతిథిగా హాజరై అమ్మవారికి ప్రత్యేక పూజలు నిర్వహించారు. మొదటి రోజు శ్రీ బాలా త్రిపుర సుందరీ దేవి అవతారంలో పెద్దమ్మతల్లి భక్తులకు దర్శనమిచ్చారు.