పారిశుద్ధ్య కార్మికులను సన్మానించిన వనపర్తి ఎమ్మెల్యే

గ్రామాలను పరిశుభ్రంగా ఉంచడంలో పారిశుద్ధ్య కార్మికులదే కీలక పాత్ర అని వనపర్తి ఎమ్మెల్యే తూడి మేఘారెడ్డి అన్నారు. బుధవారం ఖిల్లాగణపురం మండలంలోని గౌరీదేవి పల్లిలో నిర్వహించిన వివిధ అభివృద్ధి కార్యక్రమాలలో పాల్గొన్నారు. ఈ సందర్భంగా గ్రామంలోని పారిశుద్ధ్య కార్మికులను ఘనంగా సన్మానించారు. ఎమ్మెల్యే మాట్లాడుతూ పారిశుద్ధ్య కార్మికుల సేవలు మరువలేనివని అన్నారు. ఈ కార్యక్రమంలో స్థానిక నేతలు పాల్గొన్నారు.