మిర్యాలగూడ: వాహనం అదుపు తప్పి వ్యక్తి మృతి
ద్విచక్ర వాహనం అదుపుతప్పి కింద పడి వ్యక్తి మృతి చెందిన సంఘటన మిర్యాలగూడ మండలంలో ఆదివారం చోటుచేసుకుంది. రూరల్ ఎస్సై తెలిపిన వివరాల ప్రకారం మిర్యాలగూడ మండలంలోని కొత్తపేట గ్రామానికి చెందిన గౌని యాదగిరి (59) శనివారం టీవీఎస్ ఎక్సెల్ పై మిర్యాలగూడ వెళ్తున్నాడు. గ్రామం నుంచి మిర్యాలగూడ వస్తుండగా కిష్టాపురం వద్ద అదుపుతప్పి కింద పడిపోయాడు. తీవ్ర గాయాలు కావడంతో హైదరాబాద్ కు తరలించి చికిత్స పొందుతుండగా మృతి చెందాడు.
