పుట్ట గొడుగులు తిని ముగ్గురు చిన్నారుల మృతి

మేఘాలయలోని వెస్ట్ జైంతియా హిల్స్ జిల్లాలో ఘోర విషాదం చోటుచేసుకుంది. పుట్టగొడుగులు తిని ముగ్గురు చిన్నారులు మృతి చెందారు. జైంతియా హిల్స్ ఎస్పీ చెంపాంగ్ సిర్టి తెలిపిన వివరాల ప్రకారం.. సెఫాయ్ గ్రామంలోని ఓ మూడు కుటుంబాల వారు పుట్టగొడుగులు తిన్నారు. ఈ క్రమంలోనే వారంతా అస్వస్థతకు గురయ్యారు. అనంతరం వీరిని చికిత్స నిమిత్తం జోవాయిలోని ప్రభుత్వ ఎంసీహెచ్‌ ఆస్పత్రికి తరలించారు. పరిస్థితి విషమించి ముగ్గురు పిల్లలు ప్రాణాలు కోల్పోయారు.