గుండెజబ్బుల ముప్పును పెంచే వాహన ధ్వనులు

వాహనాల రణగొణ ధ్వనులు గుండె జబ్బుల ముప్పును పెంచుతాయని అంతర్జాతీయ శాస్త్రవేత్తల పరిశోధనలో తేలింది. ఇందులో గుండెపోటు ముప్పు కూడా ఉందని వెల్లడైంది. వ్యాధులకు సంబంధించిన డేటాను సమీక్షించిన పరిశోధకులు ఈ విషయాన్ని గుర్తించారు. ప్రతి 10 డెసిబల్స్ మేర పెరిగే ట్రాఫిక్ ధ్వని వల్ల గుండె జబ్బులు, పక్షవాతం, మధుమేహం ముప్పు 3.2 శాతం మేర పెరుగుతుందని పరిశోధన పేర్కొంది.