మంగపేట - తాడ్వాయి అడవుల్లోకి చేరిన పెద్దపులి

ములుగు జిల్లా మంగపేట మండలం తిమ్మాపురం వైపు నుండి తాడ్వాయి మండలంలోకి పెద్దపులి ప్రవేశించిందని పోలీసులు, అటవీశాఖ అధికారులు బుధవారం దృవీకరించారు. ఓ రైతు పొలంలో పాదముద్రలను గుర్తించినట్లు అధికారులు తెలిపారు. వ్యవసాయ పనులు, పశువుల మేత, ఇతర పనుల నిమిత్తం వెళ్లే రైతులు ఒంటరిగా వెళ్లకూడదని అటవీశాఖ అధికారి అశోక్ హెచ్చరించారు. పెద్దపులి సమాచారం తెలిస్తే అటవీశాఖ అధికారులకు తెలపాలని కోరారు.