పసుపు, కుంకుమ అలంకారంలో శ్రీ రాజరాజేశ్వరి దేవి అమ్మవారు

రామసముద్రం మండలం అజ్జమరెడ్డి పల్లిలో వెలసిన శ్రీ రాజరాజేశ్వరి దేవి ఆలయంలో శరన్నవరాత్రి ఉత్సవాలలో భాగంగా అమ్మవారి పసుపు, కుంకుమ అలంకారం చేశారు. ఆలయ ధర్మకర్త మోడెం సిద్ధప్ప ఆధ్వర్యంలో అమ్మవారికి ప్రత్యేక పూజలు, అభిషేకాలు, కుంకుమార్చనలు నిర్వహించారు. అధిక సంఖ్యలో భక్తులు తరలివచ్చి అమ్మవారిని దర్శించుకుని పూజలు చేసి మొక్కులు చెల్లించారు. భక్తులకు తీర్థ ప్రసాదాలతో పాటుగా ఆలయం వద్ద అన్నదానం చేశారు.