రోడ్డు ప్రమాదంలో వ్యక్తి మృతి

చిత్తూరు జిల్లా పుంగనూరు నియోజకవర్గం చౌడేపల్లి మండలం లో శుక్రవారం రాత్రి జరిగిన రోడ్డు ప్రమాదంలో ఒకరు మృతి చెందినట్లు స్థానికులు తెలియజేశారు. వారి వివరాల మేరకు చౌడేపల్లి నుంచి అంజన్న అనే వ్యక్తి రోడ్డుపై నడుచుకుని వెళ్తుండగా ఎదురుగా వస్తున్న బొలెరో వాహనం ఢీకొంది. గాయపడిన వ్యక్తిని 108 సిబ్బంది పుంగనూరుకు తరలించగా చికిత్స పొందుతూ మృతి చెందాడు. పూర్తి వివరాలు పోలీసులు దర్యాప్తులో తెలియాల్సి ఉంది.