తంబళ్ళపల్లి: మోడల్ స్కూల్ లో మధ్యాహ్న భోజనం తనిఖీ చేసిన ఎంఈఓ

తంబళ్లపల్లె మండలం పరసతోపు ఆదర్శ పాఠశాలలో విద్యార్థులకు అందిస్తున్న మధ్యాహ్న భోజనాన్ని ఎంఈఓ త్యాగరాజు బుధవారం ఆకస్మిక తనిఖీ నిర్వహించారు. ఈ సందర్భంగా ఆయన మాట్లాడుతూ మెనూ ప్రకారం విద్యార్థులకు భోజన వసతి కల్పించాలని సూచించారు. రికార్డులు తనిఖీతో పాటు విద్యార్థుల బోధన విధానంపై ఆరా తీశారు. విద్యార్థులు విద్యతోపాటు క్రీడల్లో సైతం తమ ప్రావీణ్యాన్ని ప్రదర్శించాలని ఆయన కోరారు.