వాడపల్లి క్షేత్రంలో దేవదాయ శాఖ కమిషనర్ సత్యనారాయణ పూజలు

డాక్టర్ బి. ఆర్ అంబేద్కర్ కోనసీమ జిల్లా ఆత్రేయపురం మండలం వాడపల్లి గ్రామంలో వేంచేసియున్న శ్రీ వెంకటేశ్వర స్వామి వారిని ఆంధ్రప్రదేశ్ దేవాదాయ శాఖ కమిషనర్ ఎస్. సత్యనారాయణ శనివారం దర్శించుకున్నారు. ఆలయ అధికారులు కమిషనర్ సత్య నారాయణకు ఘన స్వాగతం పలికారు. అనంతరం స్వామివారిని దర్శించుకుని తీర్థ ప్రసాదాలు స్వీకరించారు. కమిషనర్ సత్యనారాయణకు ఆలయ డిప్యూటీ కమిషనర్ చక్రధర రావు స్వామి వారి చిత్రపటాన్ని బహుకరించారు.