తెనాలి: రోడ్డు విస్తరణ పనులను పరిశీలించిన మంత్రి
తెనాలి పట్టణంలోని బోసురోడ్డులో జరుగుతున్న రహదారి విస్తరణ పనులను మంత్రి నాదెండ్ల మనోహర్ పరిశీలించారు. మంగళవారం తెనాలిలో మంత్రి మనోహర్ అధికారులతో కలిసి రోడ్డు విస్తరణ పనులను పరిశీలించి వారికి పలు సూచనలు చేశారు. నాణ్యతా ప్రమాణాలను పరిశీలించారు. కొన్నిచోట్ల పనులు అస్తవ్యస్తంగా ఉండటం పట్ల అసహనం వ్యక్తం చేశారు. సరైన ప్రణాళిక లేకుండా పనులు చేయడమేంటంటూ అధికారులను ప్రశ్నించారు.
