గాలిపటం ఎగరేస్తూ బాలుడు మృతి

ప్రకాశం జిల్లా గిద్దలూరు మండలం కొండపేట గ్రామంలో ఆదివారం విషాదం చోటు చేసుకుంది. కొండపేట గ్రామానికి చెందిన నాగేంద్ర (11) గాలిపటం ఎగరేస్తూ విద్యుత్ షాకుతో మృతి చెందాడు. గాలిపటం ఎగరేస్తున్న సమయంలో గాలిపటం తెగి ట్రాన్స్ఫార్మర్ సమీపంలోని ఓ చెట్టుపై పడింది. చెట్టుపై ఉన్న గాలిపటాన్ని అందుకుంటున్న క్రమంలో నాగేంద్రకు విద్యుత్ షాక్ సోకింది. దీంతో నాగేంద్ర మృతి చెందాడు.