చొప్పదండి: భక్తులతో కిటకిటలాడుతున్న కొండగట్టు అంజన్న క్షేత్రం

ప్రముఖ పుణ్యక్షేత్రం కొండగట్టు శ్రీ ఆంజనేయస్వామి ఆలయంలో శనివారం సందర్భంగా భక్తుల రద్దీ నెలకొంది. చలి తీవ్రత ఎక్కువగా ఉన్నా, భక్తులు ఉదయం నుండే తలనీలాలు సమర్పించుకొని, కోనేరులో పుణ్యస్నానాలు ఆచరించి, స్వామి వారి దర్శనానికి బారులు తీరారు. ఈ సందర్భంగా ఆలయ అర్చకులు స్వామివారిని ప్రత్యేకంగా అలంకరించి, పూజలు, క్షీరాభిషేకాలు నిర్వహించారు. భక్తులకు ఎలాంటి ఇబ్బందులు కలగకుండా అధికారులు పర్యవేక్షించారు.