ఏపీలో నేడు భారీ వర్షాలు
ఏపీలో నేడు భారీ వర్షాలు కురవనున్నాయి. రేపు, ఎల్లుండి కూడా రాష్ట్రంలో మోస్తరు వర్షాలు పడతాయని వాతావరణ శాఖ తెలిపింది. నేడు కృష్ణా, గుంటూరు, బాపట్ల, ప్రకాశం, నెల్లూరు, అనంతపురం, సత్యసాయి, తిరుపతి జిల్లాల్లో భారీ వర్షాలు పడతాయని వెల్లడించింది. అల్లూరి, కోనసీమ, ప.గో, ఏలూరు, పల్నాడు, కర్నూలు, నంద్యాల, వైఎస్ఆర్, అన్నమయ్య, చిత్తూరు జిల్లాల్లో మోస్తరు వర్షాలు కురిసే అవకాశం ఉందని తెలిపింది.
