గల్లంతైన బాలుడు మృత దేహం లభ్యం
గొల్లప్రోలు మండలం కొడవలి శివారు పుష్కర కాలువలో గల్లంతైన ముప్పనబోయిన సతీష్(15) మృతదేహం గురువారం లభ్యమైనట్లు ఎస్ఐ రామకృష్ణ తెలిపారు. సతీష్ బహిర్భూమికి పుష్కరకాలువ దగ్గరకు వెళ్లి ప్రమాదవశాత్తూ జారిపడి గల్లంతైనాడు. పుష్కరకాలువ నీటిలో తేలుతూ సతీష్ మృత దేహం కనిపించడంతో స్థానికులు సమాచారం అందించడంతో వెలికితీశారు. బాలుడి తండ్రి వీర వెంకట సత్యనారాయణ ఫిర్యాదుతో కేసు నమోదు చేసినట్లు ఎస్ఐ తెలిపారు.
