పాణ్యం: ముంచుతున్న తుఫాను.. చేతికొచ్చిన పంటలు నీటిపాలు
పాణ్యం నియోజకవర్గంలో తుపాన్ రైతులను ముంచుతోంది. రెండు రోజులుగా కురుస్తున్న వర్షాలు రైతులకు నష్టాన్ని మిగిల్చాయని గురువారం స్థానిక రైతులు ఆవేదన వ్యక్తం చేశారు. భారీ వర్షాలకు చేతికొచ్చిన పంటలు నీటిపాలయ్యాయి. మరో 20 రోజుల్లో ఇంటికి రావాల్సి వరి దిగుబడులు తుపాన్ వలన నీటిలో మునిగాయి. పాణ్యం మండలంలో దాదాపు 95 హెక్టార్లలో వరి పంటకు నష్టం వాటిల్లినట్లు అంచనా వేశారు. పొగాకు, ఇతర పంటలు దెబ్బతిన్నాయి.
