సాలూరు: ఇంటి గోడ కూలి వ్యక్తి మృతి
సాలూరు పట్టణంలోని పశువుల ఆసుపత్రి సమీపాన ఒక ఇంటి గోడ మీద పడడంతో పని చేస్తున్న కూలి అక్కడక్కడే మృతి చెందారు. మండాది మాధవ అనే టీ దుకాణం యజమానికి చెందిన పాత ఇంటిని ధ్వంసం చేస్తుండగా గోడ కూలిన శనివారం జరిగిన సంఘటనలో నల్ల శంకరరావు (40) మృతి చెందారు. బంగారమ్మపేటకు చెందిన శంకరరావు కూలి పనులు చేస్తూ జీవనం సాగిస్తున్నారు. ఆయన భార్య, ఇద్దరు కుమారులు ఉన్నారు. ఈ సంఘటనపై పోలీసులు కేసు నమోదు చేశారు.
