గజపతినగరం: ఉపాధ్యాయుల శిక్షణా కార్యక్రమం పరిశీలన
గజపతినగరం మండలం మరుపల్లిలో జరుగుతున్న ప్రభుత్వ ఉపాధ్యాయుల శిక్షణ కార్యక్రమాన్ని రాష్ట్ర పరిశీలకులు హైమేశ్వరరావు మంగళవారం పరిశీలించారు. అనంతరం ఉపాధ్యాయులకు అభ్యసన నైపుణ్యాలపై పలు సూచనలు, సలహాలు చేశారు. బోధన అభ్యసన ప్రక్రియపై ఉపాధ్యాయులు ప్రత్యేక అవగాహన కలిగి ఉండాలని తెలిపారు. విద్యార్థుల అభ్యసన సామర్ధ్యాన్ని మెరుగుపరిచేందుకు కృషి చేయాలని కోరారు. అనంతరం స్థానిక కేజీబీవీ పాఠశాలను సందర్శించారు.
