కాజ్‌వే పై నుంచి రాకపోకలు నిలిపివేత

ఏలూరు జిల్లాలో విస్తారంగా కురుస్తున్న వర్షాలకు తమ్మిలేరు వరద ప్రవాహం ఉద్ధృతంగా ప్రవహిస్తోంది. ఏలూరులోని శనివారపుపేట కాజ్‌వే పైనుంచి వరదనీరు ప్రవహిస్తుండటంతో సోమవారం రాకపోకలు నిలిపివేశారు. దీంతో ఏలూరు నుంచి నూజివీడు, దుర్గిరాల గ్రామాల మధ్య రాకపోకలకు అంతరాయం ఏర్పడింది. ఈ ప్రాంతంలో పోలీసులు, అధికారులు నిరంతరం పర్యవేక్షిస్తున్నారు.