తణుకు: హత్య ఘటన ప్రాంతాన్ని పరిశీలించిన డీఎస్పీ

తణుకు జిల్లా పరిషత్ ఉన్నత పాఠశాల ఆవరణలో శుక్రవారం హత్య స్థలాన్ని తాడేపల్లిగూడెం డీఎస్పీ విశ్వనాథ్ పరిశీలించారు. సజ్జాపురం ప్రాంతానికి చెందిన కాకర్ల దుర్గారావు(35)పై గుర్తుతెలియని వ్యక్తులు దాడి చేసి హత్య చేశారు. హత్య జరిగిన ప్రాంతంలో క్లూస్ టీం వివరాలు సేకరించారు. తణుకు పట్టణ సీఐ కొండయ్య, ఎస్ఐలు చంద్రశేఖర్, శ్రీనివాస్ పలువురిని విచారిస్తున్నారు. కేసు నమోదు చేసి దర్యాప్తు చేస్తున్నారు.