విద్యుదాఘాతంతో రైతు మృతి
విద్యుదాఘాతంతో రైతు మృతి చెందిన సంఘటన అక్బర్ పేట భూంపల్లి మండలం ఎనగుర్తిలో చోటుచేసుకుంది. భూంపల్లి ఎస్సై వి. హరీశ్ తెలిపిన వివరాల ప్రకారం గ్రామానికి చెందిన కమటం యాదగిరి (42) వ్యవసాయం చేస్తూ భార్యా పిల్లలతో జీవనం కొనసాగిస్తున్నాడు. శనివారం ఉదయం ఊరి శివారులో ఉన్న పొలంలో బోరు మోటారు మరమ్మతులు చేయడానికి ఇంట్లో చెప్పి వెళ్లాడు. ఈ క్రమంలోనే విద్యుదాఘాతానికి గురై అక్కడికక్కడే మృతిచెందాడు.
