జూబ్లీహిల్స్: రెస్టారెంట్‌లో భారీ పేలుడు.. మహిళకు గాయాలు
జూబ్లీహిల్స్ రోడ్‌ నెంబర్‌-1 లో భారీ పేలుడు సంభవించింది. తెలంగాణ స్పైసీ కిచెన్‌ రెస్టారెంట్‌లో ఫ్రిజ్‌ కంప్రెషర్‌ పేలింది. దీని ధాటికి ప్రహరీ గోడ ధ్వంసమైంది. రాళ్లు ఎగిరి 100 మీటర్ల దూరంలోని దుర్గాభవానీ నగర్‌ బస్తీలో పడ్డాయి. నాలుగు గుడిసెలు ధ్వంసమయ్యాయి. బస్తీలోని ఓ మహిళకు స్వల్ప గాయాలయ్యాయి. మరోవైపు హోటల్‌ నిర్వాహకులు మీడియాను లోపలికి అనుమతించడం లేదు. దీంతో ఈ వ్యవహారంపై పలు అనుమానాలు వ్యక్తం అవుతున్నాయి.
