ధర్మస్థలం ఆలయానికి 10 టన్నుల టమాటా విరాళం

రామసముద్రం మండలం అరికెల పంచాయతీ యల్లంపల్లి గ్రామానికి చెందిన పి. అమరనాథ్ రెడ్డి గురువారం కర్ణాటక రాష్ట్రంలోని ధర్మస్థలం శ్రీ మంజునాథస్వామి ఆలయానికి 10 టన్నుల టమాటాలు విరాళంగా పంపించారు. ఆయన మాట్లాడుతూ. ప్రతి సంవత్సరం 4 నెలలకొకసారి 10 టన్నుల చొప్పున తిరుమల, ధర్మస్థలం భక్తుల అన్నదానంలో భాగంగా టమాటాలను పంపుతున్నట్లు తెలిపారు. ఆయన భక్తికి చుట్టుపక్కల గ్రామ ప్రజలు అభినందించారు.