చాపాడు: కారు ఢీకొని విద్యార్థిని మృతి
కడప - కర్నూలు జాతీయ రహదారిపై చాపాడు మండలం ద్వారకానగరం వద్ద జరిగిన రోడ్డు ప్రమాదంలో మారిగాండ్ల వెంకటసుమతి (16) అనే విద్యార్థిని మృతి చెందారు. గురువారం ఇంట్లో దుస్తులు శుభ్రం చేసుకునేందుకు గ్రామానికి రోడ్డు ఆవతల ఉన్న కేసీ కాలువ వద్దకు వెళ్లారు. తిరిగి ఇంటికి వస్తుండగా మైదుకూరు వైపు నుంచి వేగంగా వస్తున్న కారు ఢీకొంది. ప్రమాదంలో తలకు తీవ్రగాయాలవడంతో అక్కడికక్కడే మృతి చెందారు.
